Urdazubiko Kontrabandisten Lasterketa eginen dute maiatzaren 20an

Ttipi-Ttapa/Xorroxin 2018ko mai. 17a, 15:01
Ia 16 kilometro ibilbidea osatu beharko dute korrikalariek.

Igande goizeko 10etan abiatuko da 15,83 kilometroko ibilbidea duen lasterketa 

Azkeneko urteetan, Urdazubiko Salbatore besten aitzineko igandean egin izan dute Kontrabandisten lasterketa, baina aurten bestak pasatu eta ondoko igandean, maiatzaren 20an eginen dute. Lasterketa igande goizeko 10etan hasiko da eta dortsalen banaketa egunean berean, 08:45etik aitzinera herriko plazan. 

 

Plazatik abiatuta 15,83 kilometroko ibilbidea osatu beharko dute korrikalariek, 656 metroko desnibelarekin, tartean Azkar eta Elorga lepoak igoz. Zehazki, plazatik abiatu eta plazan helmugaratuko dira korrikalariak eta tartean Gurutze bidexkara, Elizondokokoborda, Azkar lepo, Zabittiki, Gurutze Mitxelenborda, Axularrenea, Iribereko iturria, tarteko helmuga, ur depositoa, Elorgalepo, Atolepo, Indaburukoborda, Gainekola zubia, Bizubiak eta presa pasatuko dituzte.

Sariei dagokienez, 250, 150 eta 50 euro izanen dira hiru lehen sailkatuentzat, gizonezko nahiz emakumezkoentzat.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun