Kexu dira Sarako Jean Dithurbide zahar etxeko langileak, kexu instituzioen jarrerarekin. Diotenez, azken lau urteotan lan baldintzek okerrera egin dute eta azaldu dutenez, «instituzioen politikarekin, ezin dugu adinekoez modu duinean arduratu». Gisa berean, adierazi dute «egunero gehiago eskatzen digutela, baina egunero giza baliabide guttiago ditugula». Zahar etxeko langileen irudiko, «onartezina da gure adinekoak horrela tratatzea». Eta horregatik, mobilizatzeko deia egin dute.
Lan baldintzak okerrera egin dutela salatu dute Sarako zahar etxeko langileek
Joan den ilbeltzaren 30ean, Baionako suprefeturaren aitzinean elkartu ziren zahar etxeko langileak, instituzioen jarrera salatu eta azken lau urteotan lan baldintzak okerrera egin dutela adierazteko. Egun berean, Saran ere adierazi zuten beraien haserrea, zahar etxearen atarian egindako elgarretaratzean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun