Kantu Zaharren Egunaren hamalaugarren edizioa ospatu dute azaroaren 25ean Urdazubin

Ttipi-Ttapa 2017ko aza. 28a, 12:44
Ohikoa denez, ttiki gelditu zen jatetxea kantu zaharren egunaren bazkarian. Argazkia: Juan Mari Ondikol

Euskalerria Irratia omendu dute, 30 urtez euskal kantuak hedatzen egindako lanarengatik

Azken urteetako ohiturari eutsiz, kantu zaharren eguna egin dute azaroaren 25ean Urdazubiko Dantxarineko Lugarana jatetxean. Hamalaugarren edizioa bete du aurtengoan eta urtero bezala, jatetxea ttiki gelditu da bazkarian eta bazkalondoko giroan parte hartu nahi zuten guztiak hartzeko. Euskalerria Irratia omendu zuten, bere 30 urteko historian euskal kantuak hedatzen egin duen lanarengatik.

 

Ohiko euskal kantak abestu zituzten ia 400 bazkaltiarrek, Bankako Menditarrak, Aitor Ibarra Jalisko, Joserra Mitxelena, Jaione Olazabal, Francisco Santxotena, Francisco Herreri, Asier Oleaga, Juantxo Zeberio eta bertze zenbait musikari eta abeslarirekin batera. Beti bezala, Angel Mariezkurrena izan zuten gidari.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun