erran.eus

Estitxu kantariari buruzko dokumentala aurkeztu du Franck Dolosor kazetari senpertarrak

  Kultura  Xareta  Senpere

Hazilaren 15ean Bilboko Zinebi jaialdian egindako lehen emanaldiaren ondotik, hilaren 29an Senpereko Larreko gelan erakutsiko dute

Estitxu kantari zenaren aipamenek erreakzio soka luzea sortzen dute beti. 2018ko otsailean mende laurdena beteko da bere ahotsa betirako isildu zela. Halere, milaka euskaltzale eta musikazalek gogoan dute beti Beskoitzeko errexiñola. Abeslari horren inguruko dokumentala prestatu du Franck Dolosor Senpereko kazetariak eta hazilaren 15ean, Bilboko Zinebi jaialdian egin du lehen aurkezpena. Hazilaren 29an, 19:30ean Senpereko Larreko gelan erakutsiko du.

Estitxu kantariari buruzko dokumentala aurkeztu du Franck Dolosor kazetari senpertarrak
Estitxu abeslari, bere emanaldi batean. | Ikusi handiago | Argazki originala

 

Ondotik, Durangoko Azokan abenduaren 6an, 13:00etan, Beskoitzeko Bixintxo gelan urtarrilaren 27an eta Baionako Euskal Museoan otsailaren 7an ere eginen ditu aurkezpenak.

Esibaliz Robles-Aranguiz, Estitxu (1944-1993) abeslaria Euskal Herriko Joan Baez ere izendatu zuen kazetari frantziar batek. 2017ko martxoaren 8an, Estitxu izena eman zioten Baionako karrika bati. Lapurdiko hiriburuko auzapez eta Iparraldeko elkargoaren presidenteak hamarnaka mezu jaso zituen orduan erabaki hori eskertzeko. Prentsan agertu ziren aipamenek ere sekulan ez bezalako eskertza jaso zuten. Estitxuren aipamenak ustegabeak pizten ditu beti. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa