Zugarramurdiko sorgin haizea Logroñoraino ailegatu da asteburu honetan

Emanaldi hunkigarria eskaini zuen Zugarramurdiko antzerki taldeak Logroñon.

Antzerki taldeak emanaldia eskaini zuen azaroaren 3an Errioxako hiriburuan 

Zugarramurdiko Sorgin haizea antzerki taldeak,  bere aurtengo azkeneko emanaldia eskaini zuen gan den azaroaren 3an. Logroñon aldi honetan. Errioxako hiriburuan, antzerkia egiteaz gain, inkizisioak sorgin bezala preso hartutako  herritarren omenez egin zen ekitaldi batean ere parte hartu zuten, Hegoak kantatuz eta belar eskaintza bat eginez.

 

Aipatzekoa da 2010 urtean Logroñok  “Memoriaren oihana” sortu zuela, lagun haien oroigarri bezala. Orduan, Logroño eta Zugarramurdikoen artean 11 zugar landatu ziren, erre zituzten 11 lagunen ikur bezala.

Gaur egun zuhaitz haiek eder-eder eginak dira, borobil bat osatzen dute, eta borobil erdian monolito bat emana da. Ebro ibaiaren bazterreko aldean dago, duela 407 urte preso atxiki zituzten tokitik hurbil.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun