erran.eus

Urdazubiko ur hornidura berritzeko lanak esleitu ditu Udalak

  Gizartea  Xareta  Urdazubi

Urriaren 27ko udal batzarrak onartuta Obenasak eginen ditu, 1.377.258,72 euroko aurrekontuarekin (gehi BEZa)

Urdazubiko ur hornidura berriztatzeko lanak esleitzeko Udalak sortutako Kontratazio Mahaiak puntuazio altuena lortu zuen enpresa kontratatzeko proposamena luzatu zion Udal Batzarrari urriaren 20ko bileran. Mahaia udal Idazkariak, Alkateak, Victor Salanueva injineruak eta Azkar eta Urdazubi Elgarrekin udal taldeetako ordezkari banak osatzen dute. Proposamenak aurkeztu zituzten enpresak hiru izan ziren: Construcciones Mariezcurrena, Sasoi Eraikuntzak eta Obras Especiales de Navarra S.A. (Obenasa). Azken honen proposamena izan zen puntu gehien lortu zituena. Urriaren 27ko  Udal Batzarrak oniritzia eman ondoren, berehala hasiko ditu lanak.

Urdazubiko ur hornidura berritzeko lanak esleitu ditu Udalak
POCTEFA egitasmoa osatzen duten erakundeetako ordezkariak Urdazubiko Kultur Etxean bildu ziren urriaren 4an. Argazkia: Iñigo Imaz | Ikusi handiago | Argazki originala

 

Salanueva teknikariaren ustez, hiru proposamenak kalitatezkoak zirenez, proposamen ekonomikoak eragin zuen azken erabakian. Obenasa enpresak aurkezturiko proposamen ekonomikoak bertze bi enpresen aldean abantaila nabarmena eman zion, batez beste 3 eta 4 puntuko aldea. Guztira, ur horniketa lanen kostua 1.377.258,72 eurokoa izanen da, beraz, BEZ-a aparte. Gogoratzearren, proiektu honek Europa mailako FEDER fondoen laguntza jasoko du “Interreg V-A Espainia-Frantzia-Andorra (POCTEFA 2014-2020)” egitasmoaren barnean, eta baita Nafarroako Gobernuaren Herri Azpiegitura Plana 2017-2019 diru laguntzen onuradun izanen da.

Argazkian ageri denez, urriaren 4an, POCTEFA 2014-2020 egitasmoa osatzen duten erakundeetako ordezkariak bildu ziren Urdazubiko Kultur Etxean, besteak beste Hego Euskal Herriko (Lapurdi hegoaldeko udal elkartea), Eusko Jaurlaritzako, Gipuzkoako Aldundiko nahiz Irungo eta Urdazubiko Udal ordezkariak elkartu ziren proiektuaren nondik norakoen berri emateko.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa