Ekitaldi frango iraganen dira Sarako Usoaren Astearen karietara

Ttipi-Ttapa 2017ko urr. 19a, 07:36
Aste osoan Usoak sarean erakusketa ikusten ahalko da turismo bulegoan.

Herriko jatetxeek usoa proposatzen ari dira beraien menuetan urriaren 15etik goiti

Urtero bezala, usotegietan ihizia hasten dela eta, Sarako herriko jatetxeek beraien menuetan usoa proposatzen ari dira, urriaren 15etik goiti hain zuzen. Urriaren 23tik 29ra, Usoaren Astea antolatua da eta horren karietara ekitaldi frango iraganen dira. 

 

Urriaren 23an, esku huska pilota partida bat jokatuko dute plazan, astelehen arratsaldeko 6etan; hilaren 24an Zazpiak Bat taldearen haurren dantza ikusgarria astearte arratsaldeko 6etan; 25 eta 27an usotegiak eta 26an eliza bisitatzen ahalko dira izena emanez turismo bulegoan; 27an arratsaldeko 4:30an usaiako merkatua eta 7etan Erlauntza abesbatzaren kontzertua elizan.

Aste osoan Usoak sarean erakusketa ikusten ahalko da turismo bulegoan.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun