Fernando Garridoren gibeletik sailkatu zen, nahiz eta lehen txandetan aitzinetik ibili
Joan den larunbatean Errioxan jokatu zen Callaghan Sallysprintean bigarren izan zen Mattin Villares urdazubiarra, Renault Clio Maxi autoarekin, Andoni Blas doneztebarra kopiloto zuela. Sei txanda egin ziren, azken biak gauez eta lehenbizikoetan sailkapen buruan ere izan zen Villares. Gaueko txandetan, ordea, Fernando Garridoren Peugeot 206WRC autoa bizkorrago ibili zen.
Aipatu bezala, Mattin Villares bigarren izan zen azken sailkapenean. Errioxara hurbildu ziren bertze gidari nafarrei dagokienez, Iñigo Jarauta zortzigarren izan zen eta Adrián Ciria hamargarren. Diego Figuerok palier bat hautsi eta bigarren txandan erretiratu behar izan zuen. Andoni Urdanozek, bere aldetik, istripua izan zuen hirugarren txandan eta honek ere, bertan behera utzi behar izan zuen lasterketa.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.