Ainhoan ibilaldia, bazkaria eta liburu aurkezpenak antolatu ditu Hatsa elkarteak abuztuaren 19an

Ttipi-Ttapa 2017ko abu. 18a, 13:44

Hats-Arte erakusketa ere zabalik egonen da Senpereko Larraldean 

Senpereko Hatsa elkarteak bigarren aldiz Hats-Arte talde-animazio erakusketa bat egituratu du abuztuko lehen hiru asteburuetan. Erakusketaz gain, bertze zenbait ekitaldi izaten ari dira eta azkenak larunbat honetan eginen dituzte.

Abuztuaren 19an, larunbat goizean oinezko ibilaldia eginen dute Ainhoa aldean (hitz ordua 09:30ean Larraldean). 13:00etan bazkaria eginen dute. 16:00etan zenbait liburu aurkeztuko dituzte: Paxkal Bourgoin-en ‘Ina, nire ama afrikarra’, euskaraz eta dioula hizkuntzan; Josu Jimenez-Maiaren ‘Ryookan-en 101 haikuak’ eta Juankar Mugartzaren ‘Bihotz hautsiak osatu eta portu handira iritsi dira’. Aurkezpenak osatzeko, Alvaro Mundiñano Gartziandia margolariaren lana eta Itziar Gomezen sorkuntza pertsonala izanen dituzte lagun. 

''Hats-Arte'' erakusketa ikusteko, Larraldeako ateak zabalik izanen dira larunbatean eta igandean, 16:00etatik 20:00etara.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun