erran.eus

Uztailaren 15ean Ikaburuko lezearen eguna ospatu zuten Urdazubin

  Gizartea  Xareta  Urdazubi

Historiaurreko ehiza teknikak eta tresnak egiteko tailerrak edo txalaparta ikastaroa izan zuten, bertzeak bertze 

Aurten ere, Ikaburuko Lezearen Eguna ospatu zuen Urdazubik. Hirugarren edizio honetan, lezearen arduradunen iritziz, herriko leze ttiki hauetara hurbildu den jende kopurua handia izan da. Ehunka bisitarik, 20-25 pertsoneko taldeetan, Leorlasen dagoen lezera txangoa egiteko aukera egin zuten. 

Uztailaren 15ean Ikaburuko lezearen eguna ospatu zuten Urdazubin
Historiaurreko ehiza tekniketan ere trebatu ziren Ikaburuako lezearen egunean. | Ikusi handiago | Argazki originala

 

Larunbat goizeko 11etan hasi eta arratsaldeko 6tan bukatu zen festaren baitan ikusi ahal izan zituzten Ikaburuak eskeintzen dituen altxorrak. Ekimen honekin, lezeetako arduradunek bilatzen dutena Zugarramurdi eta Sarako lezeen itzalean egoteagatik edo ezezaguna den lezearen berri eman nahi izan dute.

Historiaurreko ehiza teknikak eta tresnak egiteko tailerrak, txalaparta ikastaroa, artisautza merkatua eta lezean barna ibiltzeko aukera izan zuten bisitari eta herritarrek. Bisitarien artean artisautza produktuen saskia zozketatu zen arratsaldeko 5etan. Eta egun osoan zehar, facebook-eko orrialdean, nahi zuen orok lezean eginiko argazkien lehiaketan parte hartu ahal izan zuen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa