Euskal Herriko Eskolarteko Bertsolari txapelketaren finala ekainaren 10ean eginen dute Saran

Ttipi-Ttapa 2017ko ekainaren 6a

Julene Etxeberri Pacheco saratarrak irabazi du Lapurdiko txapelketa eta sorterrian kantari izanen da larunbatean.

Leitzako Xabat eta Joanes Illarregi Marzol anaiak eta Sarako Julene Etxeberri Pacheco izanen dira eskualdeko ordezkariak

Lurraldeetan Eskolarteko Bertsolari txapelketa ari da bere bidea egiten eta pixkanaka Euskal Herriko Eskolarteko finalean parte hartuko duten bertsolari gazteen izenak ezagutu dira: Arabatik Aroa Arrizubieta Barredo eta Aitor Ugarte Uriz, Gipuzkoatik Oihana Arana eta Jokin Irastortza; Bizkaiatik Iruri Altzerreka Martinez eta Beñat Bilbao Landa; Nafarroatik Leitzako Joanes Illarregi eta Xabat Illarregi anaiak ariko dira kantuan. Lapurditik, Sarako Julene Etxeberri Pacheco eta Irati Alcantarilla Urdanpilleta; Baxenabarretik Elixabet Etxandi Goienetxe eta Oier Urreizti Lafitte eta Xiberoatik Haritz Capot Thornary.

Euskal Herriko Eskolartekoaren bat-bateko finalaren aitzakian, besta handia antolatzen da urtero egitasmoa biribiltzeko. Aurtengo hitzordua ekainaren 10ean izango da Saran. 11:00etan hasiko da finala trinketean. Sarako bertso eskolako haurrek kantatuko diete ongi-etorria. Sartzea kitorik. Txapelketa bukatuta bazkaria eskainiko da Lur Berrin, Idokiren eskutik (bio janaria).

Bazkalondoan, 16:00etatik 18:00etara rap freestylean ariko dira Odei Barroso eta Iñaki Viñaspre Lur Berrin bertan. Sartzea kitorik izanen da eta Olhain ikastolak antolatuko du ostatua han berean.

Kultura Xareta Sara

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun