Izan ere, argazki rallyrako hiru gai aurkeztu zituen Zugarramurdiko Garapena elkarte antolatzaileak: Akelarrea, Itzalak eta Erosioa edo higadura.
Aipatu bezala, bilduma onena eta Akelarre gaiari zegokion argazki onena Josu Inziartek aurkeztutakoak izan ziren, epaimahaiaren ustez.
Erosioa gaiarekin argazkirik onena Olivier Harotzarenak aurkeztutakoa izan zen eta bi lagunendako otordua irabazi du Herriko Ostatuan.
Itzalak gaiarekin argazkirik onena Fidel Ordoki lesakarrak atera zuen eta bi lagunendako otordua eskuratu du Azketa jatetxean.
Bertze bi sari ere eman zituzten antolatzaileek. Xaretako bizilagun baten argazki onenarendako saria, Kattalin jatetxean bi otordu, Olivier Harotzarenak eskuratu zuen eta gazte mailako argazkirik onenaren saria, Sorginen Etxeko produktu-lotea, Garazi Belda Xurio zugarramurdiarrak eraman zuen.