Burdinaren Egunaren bederatzigarren edizioa eginen da agorrilaren 6an Urdazubin

Ttipi-Ttapa/Xorroxin 2016ko abuztuaren 3a

Burdina urre txanponekin trukatzen du Urdazubiko monastegiko abadeak.

Burdin minerala idiek nola ekartzen zuten eta monastegian urrezko txanponengatik nola trukatzen zuten ikusteko modua izanen da

Burdinaren Egunaren baderatzigarren edizioa agorrilaren 6an, larunbatean ospatuko da Urdazubin. Horretarako egitarau zabala prestatu dute. Ohikoa denez, burdin minerala idi-gurdietan garraiatzen zeneko ibilbidea antzeztuko da. Izan ere, meatzeetatik Monasteriora eramaten zuten, eta abadeari ematen zitzaion, urrezko txanpon batzuen truke. Kultur Etxean foruei eta gamazadari buruzko hitzaldia ere izanen da. Gainera artisautza merkatua, zikiroa, Bankako Menditarrak taldearen emanaldia eta sorpresa ugari….

Famili guztientzako aktibitate ugari izanen dira egun osoan. Artisautza azoka herriko plazan eta horrez gain umeentzako puzgarriak eta joko ugari. Monasterioa, lezeak edo errota bisitatzeko aukera ere izanen dute bertaratzen direnek.

Egitaraua

10:00etan Artisautza azoka herriko plazan. Horrez gain umeentzako puzgarriak eta itsasontziak eta joko ugari ttikientzako.

12:00etan burdin mineralez kargatuak dauden idiek tiratutako orgak helduko dira Monastegira, Olagizonek aztertuko dute, eta abadeak Plentziako benakeroei ordainduko die. Burdina urrezko txanponengatik trukatzeko ekitaldia.

13:00etan Kultur Etxean hitzaldia izango da: Maria del Mar Larrazak ‘Fueros y Gamazada’ hitzaldia eskainiko du.

14:30 “Zikiro jate” bazkari herrikoia (Mechoui).

16:00etan Bankako Menditarrak taldearen kantaldia.

Kultura Xareta Urdazubi

Erlazionatuak

Burdinaren egunari buruz Santiago Villares ,Urdazubiko alkatea.

Xorroxin irratia 2016 abu 03 Xareta Urdazubi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun