Maiatzaren 1ean eginen da 15,83 kilometroko ibilbidea duen lasterketa
Aurten goiz izanen dira Salbatore bestak eta azkeneko urteetako ohiturari eutsiz, aitzineko igandean, maiatzaren 1ean, Kontrabandisten Lasterketa eginen da. Lasterketa igande goizeko 10etan hasiko da eta dortsalen banaketa egunean berean, 08:45etik aitzin herriko plazan. Izen emateko epea zabalik dago apirilaren 28ra bitarte www.kirolprobak.com webgunean.
Plazatik abiatuta 15,83 kilometroko ibilbidea osatu beharko dute korrikalariek, 656 metroko desnibelarekin, tartean Azkar eta Elorga lepoak igoz.
Sariei dagokienez, 250, 150 eta 50 euro izanen dira hiru lehen sailkatuentzat, gizonezko nahiz emakumezkoentzat.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.