Berrikuntzekin iraganen da aurtengo Sarako Idazleen Biltzarra. Orain arte, Sarako Turismo Bulegoak kudeatu izan du literaturaren hitzordu hau, baina aldi honetan, Sarako Biltzarra izenarekin sortu duten elkarteak bere gain hartu du antolaketa. Bi helburu nagusi finkatu dituzte: gazte gehiagoren erakartzea eta euskarari toki handiagoaren eskaintzea. Hala, ikastola, eskola publiko, eskola katoliko, kolegio eta lizeotako 200 ikaslek baino gehiagok parte hartu dute.
Horrez gain, biltzarrari eskainitako lekua bikoiztu egin dute eta lau gune prestatu dituzte: erakusketa artistikoen txokoa, liburu berriak dohainik kontsultatzekoa, haurren txokoa (animazioak, ikusgarriak, tailerrak, irakurketak, ipuinak... izanen dira) eta mintzaldi eta hedabideei eskainitakoa.
Gainerakoan, 11 argitaletxe, 22 elkarte eta ehun idazlek baino gehiagok parte hartuko dute Sarako 33. Biltzarrean. Omenaldien tartean, berriz, Itxaro Borda idazlea eta Michel Iturria marrizkilaria omenduko dituzte.
Beti bezala, Kiroldegian izanen da 10:00etatik 18:00etara eta sartzeak bi euro balio ditu.
Egitaraua
Liburu aurkezpenak
10:00etan Eric Dupré-Morettiren Ikuska.
10:15ean Pamielaren Aita Deitzen zen gizona.
10:45ean Beñat Zintzo-Garmendiaren Histoire de la sorcellerie en Pays Basque: les bûchers de l'Injustice.
11:00etan Jacques Salesen Etude sur les cascarots de Ciboure: l'origine, l'exode de leurs ancètres.
11:15ean Euskaltzaindiaren Euskal Literaturaren Antologia1: Erdi Arotik Errenazimendura.
11:30ean Ikastola, eskola publiko eta pribatuen lanen aurkezpenak.
12:00etan 2016ko Biltzar Sarien eskaintza. Itxaro Borda idazlea eta Michel Iturria marrazkilariak izanen dira aurtengo omenduak.
14:30ean Alexandre de la Cerdaren La déportation des Basques sous la Terreur.
14:45ean Daniel Landarten Etxea eta etxekoak euskal literaturan.
Mintzaldiak
15:00etan Michel Iturria marrazkilariaren mintzaldia.
16:00etan Itxaro Borda idazlearen mintzaldia.
Egun guztian
Eskoletako haurren lanen erakusketa, Itxaro Bordaren liburuak eta Michel Iturriaren marrazkiak ikusgai izanen dira.
Haurren txokoa
Kiribil konpiniarekin.
10:00etan Lapiñu ipuin emanaldia, 1 eta 3 bitarteko haurrentzat.
10:45ean tailerrak, 3 eta 7 urtekoentzat eta 8 eta 12 urtekoentzat.
12:00etan Baiu ttiki ikusgarria 1 eta 5 urtekoentzat.
14:00etan irakurketa 6 eta 12 urtekoentzat.
15:00etan tailerrak 3 eta 7 urtekoentzat eta 8 eta 12 urtekoentzat.
16:00etan ipuin kontaketak ahoz 6 eta 12 urtekoentzat.