Kultur Etxean izanen da saioa martxoaren 13an, igande arratsaldeko 7:30ean
Ugarana Emakume Elkarteak antolatuta, Oihulari Klown taldearen Molestias Clównicas helduentzako clown antzerki ikuskizuna ikusgai izanen da martxoaren 13an, igande arratsaldeko 7:30ean Urdazubiko Kultur Etxean. Sarrera doan izanen da.
Virginia Imaz da emakumearen eta osasunaren arteko harremana oinarritzat duen antzezlan umoretsu honetako zuzendari, egile eta aktore bakarra eta clownaren parodia egiten du.
Pauxa protagonista osasun kontsultan txandaren esperoan dagoen pailazoa da. Publikoa lekuko eta konplizetzat hartuko du.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
