Arratsaldeko 3etatik goiti ostatuak antolatu duen pala txapelketaren finalak jokatuko dira. Arratseko 7etan zintzur bustitze bat eta garagardo dastaketa bat izanen dira: Irlandako Guiness, Alemaniako Paulaner Salvator, Belgikako Blanche de Bruxelles, Euskal Herriko Bob's Beer horia eta Frantziako Pelforth horia garagardoak proposatuak izanen dira garagardo zaleei. Gaueko 10etatik goiti Xutik taldeak eta DJ Balporesek giroa emanen dute ostatuan. Bertan ogitartekoak salduko dira. Ostatua hetsiko delarik, gaztetxea irekiko da gaualdia segitzeko.