Sarako kantariak elkarteak egin du iganderako gomita eta bazkaria izanen dute Pleka trinketean
Sarako kantariak elkarteak kantuaren eguna antolatuko du lehen aldikoz. Ekitaldia urriaren 4ean iraganen da Pleka trinketean. Elkarteak gomita zabaldu die ondoko herriko kantu taldeei, bakotxak 7 kantu prestatu beharko ditu eta bertsu bat asmatu Aita semeak airearekin bazkaria alaitzeko gisan.
Kantuak entzuten ahalko dira goizeko 11:30etik goiti, ondotik zintzur bustitze eta bazkari bat izanen dira. Bistan da egun hori deneri irekia da, bazkarirako txartelak (23 euro) trinketean eta herriko etxeko edantegian salgai izan ziren irailaren 27ra arte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.