Aitzakia, Berako San Jose zahar etxetik hainbat lagun Zugarramurdira joan zirela izan zen. Hauek, lehenbiziko lezea bisitatu zuten, eta gero Zugarramurdi eta Urdazubikoekin batera berendatu zuten elkarrekin 36 lagunek. Ondotik, museoko auditorioan Los Duendes taldearen kantaldi bat aditzeko aukera izan zuten.
Berako Zahar Etxekoak aski kontent gelditu ziren: «Gure lehenbiziko topaketa izan zen Zugarramurdiko jubilotekako taldearekin eta betidanik ezagutuko bagina bezalako sentzazioa izan genuen», diote TTIPI-TTAPAra bidalitako ohar batean.