638 korrikalarik lortu zuten helmugara heltzea martxoaren 8an egin zen Senpereko Trail lasterketaren laugarren edizioan. 21 kilometroko lasterketa burutzen bizkorrena, Meddier Dowty Oloron taldeko Beñat Marmissolle atharratzearra izan zen (01:39:29), bigarren Mizuno-Endurance Shop taldeko Cori Benoit (01:40:42) eta Manttaleko Joseba Larralde beratarrak osatu zuen podiuma (01:44:18). Unai Santamaria Manttaleko taldekidea laugarren izan zen (01:45:16).
Emakumezkoen artean, VTT Labenne taldeko Sarah Dinclaux izan zen bizkorrena (02:10:48), PBA taldeko Vlaire Dubes bigarren (02:12:40) eta talde bereko Maialen Pessans hirugarren (02:18:49).
Eskualdeko korrikalariei dagokienez, gizonezkoetan Sara Korrikako Eric Etchegarai 17. izan zen (01:56:58), Fabien Ezkurra taldekidea 21. (01:57:41) eta Igantziko Biltokiko Mikel Urtxegi 27. (02:00:37).
Emakumezkoen artean, Sara Korrikako Murielle Migelgorri zortzigarren izan zen (02:29:34) eta Manttaleko Andrea Gouraud beratarra hamargarren (02:35:53).