I. Pintxo hamabostaldiaren lehiaketa egin zen azaroaren 9an Dantxarinean. Irungo Gaztelumendi-Antxón jatetxeko Ángela Basabe eta Félix Manso eta Ainhoako Ithurria jatetxeko Maurice Izabal sukaldariak eta Dantxarineko presidentea den Txomin Irribarren pintxo irabazlearen bila ibili ziren. Zortzi bentak parte hartu zuten lehen edizio honetan: Lapitxuri, Agus, Landibar, Patxi, Peio, Paco, Mikelenborda eta Pantxo.
Patxi Bentako Rafa Vidaurre irabazleak Onddo Bustingorri aurkeztu zuen. Bigarren saria Peio Bentarentzat izan zen eta hirugarren saria Paco Bentak eskuratu zuen. Mikelenborda Bentako Maritxu Tomasenari aipamen berezia egin zioten.