Aste Santuarekin batera Trikuarri Ingurugiro Hezkuntzako Zentroak ikasturte berriari ekin dio. Bere xedea gazte jendearen formakuntza eta sensibilizazioa izanik, eskolekin hitzarmenak sinatu ditu hegazti harrapakari zein ugaztunen bizimodua ezagutzera emateko asmoz eta ingurumen-arloko sentsibilizazio kanpainaren baitan. Zentroaren arduraduna Kolikili da eta aurten animalia berri bat gehitu zaio zentroari, Sevillako zootik ekarritako hilabete gutxiko hiena bat. Hainbat hegazti eta ugaztun ere badituzte. Euririk ezean, egunero irekiko dute zentroa, 10:30etik 18:30era. 16:30ean animaliei jaten ematen zaie eta hegaztiek airean harrapatzen dute elikagaia. Hori aprobetxatuz, Trikuarriko kideek hegaztiei buruzko azalpenak ematen dituzte. Sarrera doakoa da, baina borondatea eskertzen dute, ekimenarekin segitu ahal izateko. Taldeentzako bisita gidatuak egiten dituzte (Tel.: 617298402).
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun