Zugarramurdiko Herriko-etxean ez dugu nihoiz banderarik zintzilika izan. Bestetan karriketan apaingarri ematen diren banderinak, horietakoak bai izan ditugu. Eta Andre-Mari egunean udalak mezarat eramaten duen herriko bandera ere izan, badugu. Baina Herriko-Etxean, zintzilika, sekula santan ez dugu banderarik ikusi… orain arte. Eta hala-jokoa!, ez bat, eta ez bi ez aski izaki, eta hiru bandera jarri behar izan dituzte.
Herritarrek ez diogu kanorerik hartzen halako zintzilikariak paratu behar izateari. Baina lege trakets bat dela eta, udala hortara behartua izan da.
Hori dela eta, otsailaren 23ko eguerdian, plazan, protesta-kontzentrazio bat egin zen, eta inposatutako ikurren kontrako pankarta bat eman zen. Ez du deustarako balioko, baina bederen egiten ahal zen bakarra, egin zen.