Ugarana Emakume Elkarteak bere urteurrena ospatu zuen 2013ko abenduaren 13an, horretarako urtero egiten den Santa Lutziko afaria profitatuz. Lehenik zendutako emakume jostunen oroimenez meza ospatu zen Zugarramurdiko elizan, eta gero 26 emakume elkartu ziren afarian. Emakume jostunen bultzada garrantzitsua izan zen elkartearen sorreran.
Aurten bultzada berria eman nahi diote elkarteari, horretarako barne organuen berritzea eta proiektu berriak jarri nahi dituzte martxan. Horrela ba, laster ekimen berriak jarriko dituzte abian. Hurrengoa martxoaren 7an izanen da (biharamunean Emakume Langilearen Eguna baita), Petritegi Sagardotegian eginen duten afaria, eta animatu nahi dituzte eskualdeko emakumeak.
Elkarteko bazkide egin, ekimenetan parte hartu edota informazio gehiago jaso nahi duenak Anaxtaxi Taberna eta Dendara jo behar du (Tel.: 948 599027 - info@casamonasterio.es).