Gan den urtean bezala “Pintxo batera gonbidatzen zaitugu” kanpaina egiten ari dira, Dantxarineako Merkatari eta Ostalari Elkarteak antolatuta. Txomin Iribarren elkarteko presidenteak azpimarratu duenez, bi urtez egindako ekintza honek arrakasta izan du eta, ekimenaren asmoa Dantxarineako merkataritza berpiztea eta bezeroen fideltasuna saritzea da.
Iribarrenek azaldu duenez, ekimenean parte hartzen duten hamar establezimenduetako batera bertaratzen diren guztiei pintxo bat oparitzen zaie edaria eskatzean.
Kanpaina, azaroaren 13an hasi zen eta asteazken, ortzegun eta ortziral guztietan errepikatuko da abenduaren 13ra bitarte.
Josenea Gasolindegia, Landibar, Mikelen-Borda, Benta Agus, Benta Iriartea, Lapitxuri, Benta Paco, Benta Pantxo, Benta Patxi eta Benta Peio dira parte hartzen duten establezimentuak.