Herriko aunitzek bizimodua ostalaritza eta turismo aldera antolatua dutenez, gehienek bakantzak negu aldean hartzen dituzte. Horren seinale, heldu den urtarrila da, non zugamurdiar batzuk maletak egin eta bakantzetan joanen zaizkigun: batzuk Bietnamera, bertzeak Uruguayra, edo Peru, edo Dominikar Errepublikara, eta baita Tailandiara ere.
Aipagarria da, duela 23 urte (gisa honetako bidai luzeak apenas egiten ziren garaian), Estefa, Juan Luis, Axun eta Mikelek hilabete eta erdi eman zutela Tailandia, Nepal eta India ezagutzen.