Juanito Oiartzabal eta ETBk hain famatua egin duten “El conquistador del Aconcagua” saioan bezala, han barna ibili ziren baita ere Aline eta Xabiertxo. Gan aitzin, entrenatzen arituak ziren, mendian 20 kiloko pisuarekin ibiliz, eta ondorioz xarmanki egin zuten Aconcaguako gan-torria. Hamalau lagun abiatu ziren, eta horietako bederatzik lortu zuten tontorrera ailegatzea. Gainera, eguraldiarekin izigarri suerte ona izan zuten, tontorrean oren bat egoteko aukera izan baitzuten, eta hori guttitan lortzen omen da.
2.700 metrotik abiatu ziren, eta 4.200 metrotan eman zuten oinarrizko kanpamendua (Plaza Argentina deitzen dena). Hortik hamar egun behar izan zituzten 6.962 metro dituen tontorrerat igateko. Zailtasun haundienak pisua, oxigeno falta, eta hotza (20 gradu zero azpitik) izan omen zituzten.