Abenduren 8an Mugaldekoak taldeak zuzenean izan genituen Graxiana aterpetxean, atera berri duten bigarren diska, Begiak Lekuko, aurkeztuz.
Gaindika zegoen aterpetxea, eta 22:30ean hasi ziren lau musikariak: Mattin, Raul, Beñardo eta Edu. Bi orenez momentu goxo eta ixilak, zein alai eta mugituak eskaini zituzten, publikoari ere parte hartzera bultzatuz (laranjak, karameluak eta diska banatu zituzten). Poesiez eta kantuez inguratutako giro epel batean pasatu zen larunbateko gaua. Ederra.