Dantxarinean, Ainhoako udalerriarekin muga egiten duen Lapitxuri erreka bideratzeko planari hasierako onespena eman dio Urdazubiko Udalak. Plan honek, Kantauriko ur Konfederazioaren (CHC) baimena dauka. Planaren espedientea jendaurrean ikusgai egonen da orain Urdazubiko Herriko Etxean hilabete batez, interesatuek aztertu eta beharrezkoa bada, egokiak ikusten dituzten erreklamazioak, zuzenketak edo oharrak egiteko. Ondotik, behin betiko onartuko da.