Dantxarineako Merkatari eta Ostalari Elkarteak 'pintxo batera gonbidatzen zaitugu' kanpaina jarriko du martxan asteazkenetik aitzinera. Ekimenean parte hartzen duten saltokietako batera bertaratu eta edaria eskatzen dutenei, pintxo bat oparituko zaie. 10 saltokik egin dute bat kanpainarekin: Josenea Gasolindegiak, Landibarrek, Mikelen-bordak, Benta Agusek, Benta Iriarteak, Lapitxurik, Benta Pacok, Benta Pantxok, Benta Patxik eta Benta Peiok. Auzoko merkataritza berpiztu eta bezeroen fideltasuna saritzeko asmoz sortu zen ekimena iaz eta arrakasta handia izan zuen. Kanpaina azaroaren 14an, asteazkenean, hasiko da eta asteazken, ortzegun eta ortziral guztietan errepikatuko da abenduaren 14ra arte.