Oraingoan bai, bakean utziko zaituztegu Alex de la Iglesiaren pelikularen kontuekin, herrian grabaketak finitu baitituzte.
Egia erran, pelikulaz gain, bi aste hauek bertze zerbaitetarako ere baliatu dituzte hainbat jendek: alde batetik, etorri diren aktoreekin argazkiak ateratzen ahal izateko, eta beren autografoak bildu ahal izateko. Bertze aldetik, lezeak gauez ezagutzeko aukera bat izan da. Gaupasak egiteaz utzi ziren geroztik, ez da lezean gauez sartzerik, bainan grabazioak zirela eta, lezeek daukaten “akelarre magia” puntu hori ikusten ahal izan dute gau hoietan etorri zirenek.