Bisitari bereziak izan ziren irailaren 3an leizeetan, La Conquerant filma grabatzera etorri baitziren. Xabi Moliak zuzendutako pelikula da eta Denis Podalydes eta Mathieu Demi dira protagonistak, frantziar estatuan ezagunak diren aktoreak. La Conquerant filma Moliaren bigarren lan luzea da eta bi anaiorderen abenturak kontatzen ditu; Noé futbol talde bateko entrenatzailea da eta Gallad komediante bat. Azken honek maldizio baten biktimak direla konbentzituko du anaia, desagertutako euren aitak Griala aurkitu eta saldu zuenetik. Zorte txarrarekin akitzeko bi anaiek hori berreskuratu eta bere lekura itzuli nahiko dute: Euskal Herriko mendietara. Bi anaiordeek Ikaburuko leizeetan bilatu behar izan zuten altxorra. Egun osoan, teknikari, aktore, laguntzaileren artean 40 lagun aritu ziren lanean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun