Uztailaren 20an bortz urte bete ziren Sorginen Museoa ireki zenetik. Hori ospatzeko ekitaldi batzuk antolatu ziren: hainbat herritarrek parte hartua zuten grabazio bat ikusgai izan zen, dantzari ttikiek emanaldi bat egin zuten, eta finitzeko, luntx bat eskaini zuten.
Jende andana bildu zen ospakizun honetan, 70 bat lagun, eta hauek izan ziren aipatutako batzuk: garen herri ttiki honendako ohore haundia dela halako museo bat izatea; jendeak estimatzen duela museoa eta gainera, hainbat ekitaldi, irteera eta ikastaro antolatzen dituela; museoan dagoen auditorioa baliatzen dela herrian antolatzen diren ekitalditarako; eta gauza garrantzitsu bat ere aditu zen: museo hau gure antzinakoei eskainitako omenaldi bat dela, eta aldi berean, beren ospe ona berreskuratzeko balio izan duela.