Seilaruak husteko merkatua

Arras merkatu bitxia antolatu zen gure herrian ekainaren azkeneko igandean. Bakoi­tzak etxean sobran zituen tresna, altzari, arropa, liburu, jostailu, musika… karrika­rat atera eta han saltzeko aukera izan zuen. Bistan da ez zela nego­zioa egiteko afe­ra bat, seilaruak husteko manera bat baizik. Hori dela eta, arras­ gauza pulitak arras prezio merkean hartzeko aukera izan zen: arropak hiru euro­tan, musika DVDak euro batean, jostailuak bi eurotan... Frontoi zaharrean anto­latu zen salmen­ta, eta interesatu guztiek han paratu zituzten beraien gauzak. Lehen­bi­­ziko aldia zenez, eta publizitate eskasa egina zenez, ez zen mugimenta haundirik­ izan, baina­ esperientzia pulita izan zen, eta errepikatzeko asmoa omen dute antola­tzaileek.