Dena prest daukagu larunbat honetan, ekainak 16, eginen den Sorginaren Egunerako. Urtero eskaintzen diren ekitaldiez gain, bi gauza berri dira aipagai: alde batetik, txalaparta tailerrak prestatu direla. Eta bertzetik, hitzaldia emanen duten hiru lagunek beraien liburuak aurkeztu eta sinatuko dituztela jende aitzinean.
Egitaraua
• 11:00etan: Urdazubi eta Zugarramurdiko trikitixa eta pandero taldea karrikaz karrika.
• 11:30ean: III. Haurren Ipuin eta Marrazki Lehiaketaren sari banaketa.
• 12:00etan: Sorginak egon bazeuden hitzaldia Museoan.
• 13:00etan: bi sorginek gidatuta bisita lezean.
• 13:00etan: txalaparta tailerra eskolako plazan.
• 15:00etan: Agoteak, Ziburutik Zugarramurdira, hitzaldia Museoan.
• 17:00etan: lezeari eskeinitako errituala.
• 17:00etan: Sarako erretore Axular eta sorginkeria hitzaldia Museoan.
• 17:30ean: Teatrapalacalle taldearekin ikuskizuna plazan.
• 18:00etan: bi sorginek gidatuta bisita lezean.
• 18:00etan: txalaparta tailerra eskolako plazan.
• 19:00etan: haur dantzarien emanaldia.
• 20:30-21:30: Akelarrearen antzezpena eta piroteknia ikuskizuna.
Egun osoan artisau azoka izanen da Behitiko Karrikan eta marrazki erakusketa Museoan.