Dena prest dago larunbat honetan, ekainak 16, Zugarramurdin eginen den Sorginaren Egunerako. Urtero eskaintzen diren ekitaldiez gain, bi gauza berri dira aipagai: alde batetik, txalaparta tailerrak prestatu direla. Eta bertzetik, hitzaldia emanen duten hiru lagunek beraien liburuak aurkeztu eta sinatuko dituztela jende aitzinean.
Egitarauari dagokionez, goizeko 11:00etan Urdazubi eta Zugarramurdiko trikitixa eta pandero taldea karrikaz karrika ibiliko da. 11:30ean: III. Haurren Ipuin eta Marrazki Lehiaketaren sari banaketa eginen da. 12:00etan: Sorginak egon bazeuden hitzaldia Museoan. 13:00etan, bi sorginek gidatuta bisita eginen da lezean. 13:00etan: txalaparta tailerra eskainiko da eskolako plazan. 15:00etan: Agoteak, Ziburutik Zugarramurdira, hitzaldia Museoan. 17:00etan: lezeari eskeinitako errituala eginen da. 17:00etan: Sarako erretore Axular eta sorginkeria hitzaldia eskainiko da Museoan. 17:30ean: Teatrapalacalle taldearekin ikuskizuna plazan. 18:00etan, berriz ere bi sorginek gidatutako bisita izanen da lezean. 18:00etan txalaparta tailerra emanen da eskolako plazan. 19:00etan haur dantzarien emanaldia eta 20:30etik 21:30era Akelarrearen antzezpena eta piroteknia ikuskizuna.
Egun osoan artisau azoka izanen da Behitiko Karrikan eta marrazki erakusketa Museoan.