Negu azkenean gertatzen diren komediekin hasi gara berriz ere: mendiko suteak. Zugarramurdin bortz hektarea erre ziren gan den martxoaren 17an. Eguerdian hasi zen sua, eta hasi bezain laister konturatu ziren nahiez piztuta zela, hiru tokitan su emana zelako, eta azkeneko fokoa oraindik piztu berria zelako… bainan piromanoa ez zuten ikusi ahal izan.
2002an sekulako sutea izan zen toki ber-berean izan da aurtengoa, bainan herriko jendea eta Senpere eta Oronozko ponpierrak fite mugitu zirelako, ez da orduan bezainbat eremu erre.