Inauterietako egun ofizialekin bat eginez, otsaileko hirugarren asteburuan ospatuko dira inauteriak: otsailaren 19tik 21era.
Igandean, otsailak 19, hasiko dituzte gazteek inauteriak. Goizean elkartean gosaldu ondotik, mozorrotu eta Dantxarinearako bidea hartuko dute. Bentaz benta pasako dute eguna trikitilari eta panderojoleen laguntzarekin. Gauean, herritar guztiendako pintxoak izanen dira. Baina hortaz aparte, mozorrotzeko gaia ere luzatu diete gazteek herritarrei: 60 eta 70. hamarkaden inguruan mozorrotzeko gonbitea egin dute.
Astelehenean eta asteartean, otsailak 20 eta 21, 10:00etan bilduko dira gazteak. Ohitura den bezala, neskak baserritarrez jauntzita, eta mutilak galtza zuriekin, zinta gorri-berde eta kaskabelekin jauntzita egin dute hitzordua. Bi egunetan etxez-etxe ibiliko dira eta gauez pintxoak izanen dira herritar guztiendako. Bi egun hauetan, Modesto akordeoilariarekin dantzaldia izanen da.