Zugarramurdiko Sorginen Museoan eta abenduko hilabete osoan, Sorginkeria izua Europan. Kondairak eta mitoak izeneko erakusketa ikusgai izan da.
Ospe haundiko eta sorginkeriaren gaian aditua den Gustav Henningsen izan zen erakusketa hunen egileetako bat, eta lehendabiziko aldiz, 1984an Kopenhagueko Errege Liburutegian ikusi zen. Geroztik erakusketa ibiltaria izan da eta batetik bertzera ibili da, Danimarkako eta kanpoko museo, liburutegi eta eskoletatik pasatuz. Gan den urte osoan, Logroñon egon zen, Logroñoko fede autoaren 400. urteurrenaren karietarat. Zugarramurdiko egonaldiaren ondotik, erakusketa Bilbora eraman dute.