Azaroaren 11n, joan den ortziralean hil zen Zugarramurdin Juan Etxenike Sagarzazu, 80 urte zituela. Etxenike erremontista profesional handia izan zen, gibeleko koadroetan ederki moldatzen zena. Zugarramurdiarra Iruñeko Euskal Jai eta Donostiako Urumea pilotalekuetan aritu zen.
1951. urtean debutatu zuen profesionaletan, 20 urte bertzerik ez zituenean eta lesio baten ondorioz erretiratu zen hogei urte beranduago, 1971n. Zuriz janzteari utzi ondotik ere, Euskalen artekaria izan zen Juan Etxenike.
Larunbatean egin zen bere aldeko hileta elizkizuna Zugarramurdiko elizan.