Nahiz eta negozio ttikia izan, gaur egun ez da nahikoa bakarrik web orria eta posta elektronikoa edukitzea. Facebook eta Twitter-en agertzea ere lagungarri izan daiteke. Hori dela eta, Zugarramurdiko Sorginen Museoak eta Cederna-Garalurrek marketina eta gizarteko sareak ikastaroa antolatu zuten. Urriaren 24 eta 25ean egin zen, eta bederatzi lagunek parte hartu zuten. Eztabaida eta hausnarketa polita sortu omen zen partehartzaileen artean: denek ados zeuden beharrezkoa dela gizarteko sareak zer diren eta nola erabili jakitea negozio batean pentsatuz, baina puntu bateraino, bertzela, teknologiaren menpe biziko ginatekeelakoz egun osoan. Gainera, Zugarramurdi eta Urdazubin Interneterako konexioak edo loturak oso motelak direnez, momentuz, zaila izanen da hau martxan jartzea. Ikastaroa museoko sabaian egin zen, eta Cedernako Pablo Rodriguezek, eman zituen klaseak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun