Bertiz Partzuergo Turistikoak eta Udalak elkarlanean antolatuta, aurten ere pilotaren inguruko hainbat ekitaldi egin dira udan, Pilotaren Unibertsoa deituriko ekimenaren barne. Hiru larunbatetan, paxaka, larru paleta eta zesta punta modalitateen erakustaldiak egin dira, baina ez hori bakarrik. Horren harira, barbakoa –uztailaren 30ean–, patata tortilla lehiaketa –abuztuaren 20an– eta paellada –abuztuaren 27an– ere egin baitira. Patata tortilla lehiaketara, adibidez, 26 tortilla aurkeztu ziren eta hiru sari banatu ziren Iruñeko jatetxe ezagunetako sukaldariek osatutako epai-mahaiaren arabera: tortilla tradizionalaren saria Juan Ramon Otegik eraman zuen, estilo librearena Itziar Galarregik eta aurkezpen onenarena Angel Almandoz baztandarrak. Sari banaketaren ondotik, pintxoak jateko aukera izan zen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun