Zugarramurdi izan da Akitaniako Herri Lanetako Sindikatuak eta Federazioak ekainaren 9an, ortzegunean, beren bilkura egiteko hautaturiko egoitza. Honela, alorreko 115 enpresa pribatuetako ordezkariak hurbildu dira Sorginen Museora urteroko Asanblada Orokorra burutzeko.
Honetaz gain, Zugarramurdiko Lezea bisitatu dute bi sorginen eskutik, eta topaketa herrian bukatu dute, zikiro-jateaz gozatuz. Era honetara, Zugarramurdik tinko ematen ditu bere lehen urratsak herri ttikietako bilkura turismoaren esparruan.