Zugarramurdi herri bestalaria da, baina hala ere, tarteka kirol kontu batzuk ere ikusteko aukera izaten dugu. Oraingo huntan, larunbat honetan, azaroak 27, izanen da horretarako modua, 17:00etatik aitzinera: Nafarroako Sokatira Txapelketako azken jardunaldia jokatuko da Azketa pilotalekuan.
Neskak 375 kiloko kategorian ari dira eta hiru herri hauek lehiatuko dira: Amaiur, Berriozar eta Basaburua-Imotz. Gizonezkoak, bertzalde, 590 kiloko mailan dabiltza, eta bertze hauek ariko dira: Amaiur, Berriozar, Txantrea eta Basaburua-Imotz.
Gure herrian jokatuko den saioa, 590 kiloko kategorian gizonezkoentzat bigarrena eta azkena izanen da, eta emakumezkoentzat, 375eko kategorian hirugarrena eta azkena.
Maila hauetan, bai emakumezkoetan eta bai gizonezkoetan ere, momentuz sailkapenean aitzinetik doazenak Amaiurko taldeak dira. Mutiletan 630 kiloko txapelketa irabazi duena ere Amaiur izan da.