Aurten hirugarren aldiz, Burdinaren Eguna eginen da abuztuaren 7an

Garai batean herrian budina lantzen zela oroituz, Burdinaren Eguna eginen da aurten ere abuztuan. Udalak eta Bertizko Turismo Par­tzuergoak antolatuta eginen da, abuz­tuaren 7an. Aurtengoa hiruga­rren edizioa izanen da eta goizean hasi­ta, haur zein helduen­tza­ko ekitaldiak izanen dira.
10:00etatik aitzinera artisau azoka eginen da eta 11:00 aldera hau­rrendako antzerkia. Eta ordubete beranduago, 12:00­etan, burdina monasteriora ailegatuko da, zubitik plazarainoko bidea egin ondotik. Goiz osoan musika doinuak ere adituko dira.
Aurten Done Jakueren urtea dela-eta, 13:00­­­etan hasiko den hitzaldia horri buruzkoa izanen da. Ramon Corpas Nafarroako Gobernuko Kultura eta Turismo kontseilariak eskainiko du. 14:00etan, azkenik, zikiro jatea eginen da. Eta honat joateko txartelak herriko ostatuetan eskura daitezke.