Proba bakarraren faltan, sailkapenean lehenbizikoa da Julen Uharte motor gidaria

Espainiako Cross Country Txapelketan fin dabiltza eskualdeko motor gidariak. Julen Uharte urdazubiarra eta Xabi Etxegarai lesakarra dira horietako bi, senior B mailan ari direnak.
Hiru probetan erabakitzen da aipatu txapelketa, eta bi dira jokatutakoak. Lehena urtarrilaren 24an egin zen Bar­tzelonako Castelloli he­rrian, eta Julen Uharte hirugarren helmugaratu zen, Xabi Etxegarai, be­rriz, bosgarren. Otsailaren 21ean bigarren jardu­naldia jokatu zuten Guadalajaran, eta honetan urdazubiarra nagusitu zen, eta lesakarra zazpigarren gelditu zen.
Proba bakarra geldi­tzen da eta oraingoz sail­kapenean lehena da Uharte (45 puntu), eta laugarrena Etxegarai (29 puntu). Txapelketa, beraz, igande honetan, martxoak 7, Huelvako Villarrasan erabakiko da.