Sareen berritze, zolaberritze eta hirigintza lanen ondotik, Dantxarineako zeharbidea inauguratu dute ortziral goizean Urdazubin. Ekitaldian izan zen Miguel Sanz Nafarroako Gobernuko presidentea, baita Laura Alba, Amelia Salanueva eta Begoña Sanzberro kontseilariak, Santiago Villares Urdazubiko alkatea eta Frantziako Pirinio Atlantikoetako Errepidetako diputatua, Bartolome Aguerre. Lan hauetarako 3.279.486 euroko inbertsioa egin da eta Nafarroako Gobernuak 2.537.716 euro jarri ditu. Azysa enpresak egin ditu lanak, Urdazubiko Udalak eta Nafarroako Gobernuko Herrilan, Garraio eta Komunikabidetako departamentuaren artean sinatutako hitzarmenaren ondorioz.
Proiektu honekin, zeharbidea trafikoa arautuko da eta segurtasunean eta zirkulazioan hobekuntza somatuko da, ibilgailuen harat-honata aunitz goratzen den aste hondarretan batez ere. Ibilgailuek ez ezik, oinez dabilen jendeak ere somatuko du hobekuntza.
9.772 ibilgailu egunero
Gaur egun, banaz bertze 9.772 ibilgailu ibiltzen da egunero Dantxarineako zeharbidean eta horietatik %1,9 ibilgailu astunak dira. Trafiko gehiena, Dantxarineako merkataritza gunera bideratzen da. Lan honetan, sei biribilgune egin dira, errepideari zabalera nahikoa emanez eta oinezkoendako espaloiak eginez.