Hilabetetako lanen ondotik, N-121Bko zerharbideko lanak akitu direla erran daiteke. Errepidea bera egina dago, eta lerro hauek idazterakoan, espaloiak egin eta lorategiak txukuntzen ari ziren langileak. Gainerakoan, sei biribilgune egin dira 2.020.000 euroko aurrekontua eduki duten lan hauekin.
Baina obra hauek akitzearekin batera, bertze batzuk hasiko dira. Joxeneatik Lapitxurira doan zatia berrituko da. Udalak lan horiek egiteko deialdia egin zuen bere garaian, eta epea pasatuta, Afisa enpresari esleitu dizkio obrak. 110.000 euroko aurrekontua izanen dute eta 15 eguneko epea izanen dute. Beraz, azaro bukaerarako eginak egon beharko dute.