XVI. eta XIX. mendeen artean burdina lantzen zen Urdazubin. Eta horren lekuko dira etxe aunitzen izenak: Masakoleta, Olakobizkarra, Olaburukolanda, Landibarreko Ola... Hain zuzen horregatik, eginen da Burdinaren Eguna Urdazubin, Bertizko Partzuergo Turistikoak antolatuta. Burdinak herriarekin izandako loturagatik joan den urtean egin zen lehenbiziko aldiz Burdinaren Eguna eta aurten bigarrena, abuztuaren 1ean eginen da, larunbatarekin.
Egitarau zabala larunbatean
10:30ean haurrentzako antzerkia izanen da, plazan. "El pirata garramantas" ikuskizuna eskainiko dute. Ordu berean hasita, 14:00etara bitarte artisau azoka izanen da. 12:00etan burdina monasteriora ailegatuko da, zubitik plazaraino bidea egin ondotik. 13:00etan hitzaldia eskainiko du Xabier Alberdik monasterioan, Urdazubi itsasorako bideetan izenburupean. Egunari segida emateko, zikiro jatea eginen da plazan.