Iragarri bezala, ortziral honetan hasita, uztailak 24, Pilotaren Unibertsoa jaialdia eginen da, Bertizko Partzuergo Turistikoaren ekimenez. Aurten ere pilotari buruzko hainbat ekimen ikusteko aukera izanen da hiru egunez: ortziral honetan eta abuztuaren 8an eta 22an.
Paxaka, pala eta zesta-punta aukeratu dituzte aldi honetan eta 19:30ean hasita, modalidade bakoitzeko partida motzak jokatuko dira. Partiden ondotik, musika doinuak eta dastaketak izanen dira, egunaren arabera desberdinak. Hala, ortziral honetan, parrillada izanen da; abuztuaren 8an patata tortilla lehiaketa eginen da eta 22an paella jatea.